شهریار خبر وبسایتینین معلوماتینا گوره، بو گوروش زامانی، یعقوب هوشیار بو منطقه نین مختلف بولمه و واحدلرینده حاضر اولوب، اونلارین فعالیت لری و ایش لری حاقیندا معلومات آلیب.
بو منطقه نین مختلف شهر سالما، حقوق، اداری و مالی ، بیر نئجه باشقا معاونت و اداره دن گورش ائدن تبریز بلدیه رئیسی، ایش لرین نئجه حل اولونماسی و فعالیت لرین نئجه گئتمه سی ایله معلوماتلاندیریلیب.
تبریز شهرداری بو گوروشون اثناسیندا بیر سیرا همشهری لر ایله ده گوروشوب اونلارین مسئله لرینین تئز حل اولماسینی وورغولاییب و دئییب: بلدیه یه مراجعت ائدن همشهری لرین ایشلری تئز واختدا گورونمه لی دیر. خصوصا تیکینتی اوچون اجازه لرین وئریلمه سی داها دا سرعت لندییریلمه لیدیر، دئییب.
یعقوب هوشیار آرتیریب: همشهری لرین بلدیه پروژه لرینده اشتراک ائتمه سینی آرتیرماسی، گلیرلرین آرتیریلماسی و امکاناتین گوجلندیریلمه سینه شاهد اولماق اوچون قیسا مدت ده تیکینتی اجازه لرینین سرعت له وئریلمه سی ضروری دیر.
