شهریار خبر سایتینین خبرینه گوره، تبریز شهرداری بیر مکتوب گؤندهرهرک یئنی ایلین گلیب چاتماسینی و عیسی مسیحین دوغوم گونونو بینالخالق تشکیلاتلارین باش کاتیبلرینه، قارداش شهرلرینبلدیه رئیس لرینه(شهرهای خواهر خوانده) ، تورکیه و آذربایجان جمهوریتینین تبریزدهکی باش کنسوللارینا و همچینین مسیحی هموطنلریمیزی، خصوصا تبریزین مسیحی شهروندلرینی تبریک ائتدی.
یعقوب هوشیار اؤز مکتوبوندا ۲۰۲۵-جی ایلین باشلانماسینی تبریک ائدرکن، تقویمین دؤنمهسی ایله دونیانین یئنی بیر باشلانغیجین آستاناسیندا اولدوغونو وورغولادی.
بلدیه رئیسی بو مکتوب دا بئله یازیب: “۲۰۲۴-جو ایلین سون گونلرینده، اؤزوم و تبریز شهرینین همشهری لری آدیندان، صمیم قلبدن سیزه یئنی ایلین گلیب چاتماسینی تبریک ائدیرم. اومید ائدیرم کی، یئنی ایل سیز و اؤز اؤلکهنیزین وطنداشلاری اوچون شادلیق، خوشبختلیک و موفقیتله دولو اولسون.”
هوشیار اؤز مکتوبونون سون حیصهسینده قارشیلیقلی علاقهلرین گئنیشلندیریلمهسی و علاقهلرین گوجلندیریلمهسی بارهده دئییر: “۲۰۲۵-جی ایلین گلیب چاتماسی ایله قارشیلیقلی علاقهلرین گئنیشلندیریلمهسی و علاقهلرین گوجلندیریلمهسینه ماراقلییام و اینانیرام کی، بیزیم بیرلیکده شهری ایداره ائتمهنین مختلف ساحهلرینده ائلهدیییمیز چالیشمالار یاخشی نتیجهلر وئره بیلر.”
