شهریارین سایتینین خبرینه گؤره، اسلامی شورانین ۲۳۹-جو فوقالعاده جلسهسی جریانیندا، تبریز بلدیه سی و اونا باغلی اولان تشکیلات و شیرکتلرین ۱۴۰۴-جو ایلینه عایید برنامه و بودجه لایحهسی، منبعلر و باشقا اعتبارلارین تأمین ائدیلمه ردیفلری، و همچنین ۴۰ تریلیون تومن مبلغینده لایحه سی نین آلینماسی اعلام وصول ائدیلدی.
بو لایحهیه اساساً و تبریز بلدیه سینین باغلی تشکیلات و شیرکتلره ۵۲ تریلیون ریاللیق کمکی نظرده آلینمادان، ۱۴۰۴-جو ایلین برنامه و بودجه لایحهسی ۳۴۸ تریلیون ریال مبلغیندهدیر.
بو خبره اساساً، بلدیهنین بودجهسی، منبع باخیمیندان عمومی گلیرلر و سرمایوی وارلیقلارین و ساتیلان مادی وارلیقلارین مبلغی ۲۵۴ تریلیون ریال، و مصرف باخیمیندان، هزینه اعتباراتی و سرمایوی وارلیقلارین تملکی و مادی وارلیقلارین تملکی مبلغی ۲۵۴ تریلیون ریالدیر.
بلدیهیه باغلی تشکیلات و شیرکتلرین بودجهسینین، اعتبار تأمین ائدیلمه منبعی باخیمیندان ۱۴۶ تریلیون ریال مبلغینده اولوب، بو مبلغین ۹۴ تریلیون ریالی تشکیلاتلارین منبعلریندن و ۵۲ تریلیون ریالی بلدیه نین کؤمگیندن ده دیر.
تبریز شهرینین اسلامی شورا رئیسی غلامرضا احمدی بو بارهده بلدیهنین بوتون زحمتکشلرینه تشکورونو بیلدیرهرک، ۱۴۰۴-جو ایلین برنامه و بودجه لایحهسینین تبریز شهرینین اسلامی شوراسینین تخصصی کمیسیونلاریندا اینجه لنمه سینی طلب ائتدی.
