یعقوب هوشیار، شهریارلا دانیشیقدا، فجر اون‌گونلوگونده آچیلیش ائدیله‌بیله‌جک پروژه‌لرین چئشیدلی اولماسینا ایشاره ائده‌رک، آرتیریب: تبریز بلدیه‌سی، اون گونلوک فجر بایرامیندا آچیلیشا حاضیر اولان ایدمان، مدنی، یول آچما، ترافیک کؤرپولری و عابر کئچیدلری، محلله پارک‌لاری، محلله بازارلاری، اودسؤندورن ایستگاه‌لاری، مدنی-مذهبی مجتمع‌لر کیمی موضوع لار ایله ۱۰۷ عمران پروژه‌سی حاضیرلامیشدیر.
او داوام ائتدی: تبریزین موختلیف نؤقطه‌لرینده، خصوصیله ده خدمت دن آز یارارلانان محله‌لرده، ۱۶ ایدمان پروژه‌سی بو ایلکی فجر بایرامیندا آچیلیب ایستیفاده‌یه وئریله‌جک.
تبریز بلدیه رئیسی، همچینین انقلابین قیرخ آلتینجی باهاریندا ۵ محلله پارکی‌نین آچیلیشیندان خبر وئردی و داها سونرا بیر نئچه یول آچما پروژه‌سی‌نین ایستیفاده‌یه وئریلمه‌سینه ایشاره ائدره‌ک، دئدی: عمران طرح‌لری‌نین آچیلیش پروسه‌سی، شهر مدیریتی‌نین آلتینجی دؤوره‌سی‌نین سونونا قدر داوام ائده‌جک.
تبریز بلدیه رئیسی‌نین سؤزلرینه گؤره، فجر بایرامی ایله عینی زاماندا، ۳۷ تریلیون ریال اعتبارلا ۱۷ یئنی پروژه‌نین احداث عملیاتی باشلاییر، بو پروژه‌لرین ان اؤنملی‌لریندن، مترونون اوچونجو خطی‌نین قازماسینا باشلاماق، ۱۵ مین نفرلیک استادیوم تیکمک، ولایت اوتوبانینی اهر یولونا بیرلشدیرمک، خانیم شهر (شهر بانو) ایدمان-ایستراحت مجموعه‌سینی تیکمک و مسکن قرارگاه‌لاری‌نین بینالارینی تیکمک سایماق اولار.
(1)
(1)
(1)
(1)
(1)
(1)
(1)