https://ofogazarbaijan.ir

شناسه خبر :8365
۲۷ اسفند ۱۴۰۳ - ۱۴:۴۸

تبریز بلدیه رئیسی دئدی: سون اوچ ایلده شهرین یوللاریندا بیر میلیون تن دان چوْخ آسفالت یاییلدیغینی بیلدیردی و بو رقمی بو ساحه‌ده تاریخی گئری‌قالمالاری تلفیف ائتمک اوچون بؤیوک بیر آددیم اولاراق آدلاندیردی.

شهریار سایتینین خبرینه گؤره، یعقوب هوشیار بیر مصاحبه‌ده بلدیه‌نین گله‌جک ایل برنامه‌لریندن بحث ائده‌رک بیلدیردی: ۱۶۰ مین تن لوق ایکینجی آسفالت کارخاناسی یاخین زامانلاردا فعالیته باشلایاجاق کی، بو دا یوللارین توسعه سی و آسفالت یایمانین کیفیتینی آرتیراجاق. 

او، سوزلرینه علاوه‌ ائده‌رک دئدی: گله‌جک ایلده شهرین مختلف منطقه لرینده ۶۰۰ مین آسفالتین توزیعی برنامه‌لاریمیز آراسیندادیر. 

هوشیار، پایدار خام ماده‌لرین تهیه‌سی اوصولونو وورغولایاراق، تیکینتی لره لازم اولان خام ماده‌لر معدنینین ساتین آلیندیغینی بیلدیردی و دئدی: بو  آددیملا، شهرین گله‌جک ۷۰ ایللیک خام ماده‌لر احتیاجی تأمین اولونموشدور. 

او، بو طرح ایله برابر، قیر تولیدینین ده برنامه‌لار آراسیندا اولدوغونو بیلدیردی کی، بو دا خاریجی منبعلره اولان باغلیلیغی آزالداجاق. 

تبریز بلدیه رئیسی، آسفالت‌دوزمه کیفیتینین تضمینینه اشاره‌ ائدیب، دئدی: ایمضالانان مقاوله لره گؤره، یوللارین آسفالت‌لاریندا هرهانسی بیر نقص اولدوغو حالدا، پیمانکارلار فوری تعمیر ائتمه‌یه مجبوردورلار. بو نظارت مکانیزمی، پروژه‌لرین کیفیتینین یاخشیلاشماسینین ضمانتیدیر.

هوشیار مصاحبه نین سونوندا سوزلرینه علاوه‌ ائده‌رک دئدی: گله‌جک ایلده آسفالت پیمانکارلاریندان بیر ایللیک کیفیت ضمانتی آلیناجاق.

پ
نشان درجه یک هنری به عکاس پیشکسوت تبریزی اعطا شد درگذشت حسن ریاضی (ایلدیریم) شاعر و روزنامه نگار آذربایجانی بر اثر کرونا
نظرات و تجربیات شما
نام:
ایمیل:
سایت شما:
* نظری شما: