شهریار سایتینین خبرینه گوره، تبریز بلدیه رئیسی، یعقوب هوشیار، بو مراسمدا معلملردن تقدیر ائده رک دئدی: من همیشه اؤزومو معلملرین زحمتینه بورجلو حساب ائدیرم. بیزیم بو گونکو وضعیتینیز، اونلارین مهربان و شفقتلی اَللَرینین میوه سیدیر.
هوشیار دئدی: معلملیک پَیغمبرلرین رِسالتی ایله بیر سیرادا دیر و اَن بؤیوک اینسان فَضیلتلریندن بیریدیر.
هوشیار تعلیم و شهری توسعه آراسینداکی باغلانتییا اشاره ائده رک، دئدی: تبریز بلدیه سی اؤزونو تعلیم و تربییه تشکیلاتینین یانیندا گؤرور و مَکتبلرین آبادلاشدیریلماسی یولوندا رول اویناماغدان فخر ائدیر.
شورا عوضوو حَکیمه غفوری ده معلملرین اؤلکه نین گله جیینی قورماقداکی رولونو وورغولایاراق دئدی: معلملرین تَجلیلی، نَسیلین تَربییه سی اوچون جان-دیلدن چالیشانلارا تقدیر ائتمک اوچون بیر فرصتدیر.
بو مراسیم تبریز بلدیه سی و بلدیه نین مَدنی-ایجتیماعی-ایدمان تشکیلاتی طرفیندن، منطقه بیر تعلیم و تربییه اداره سی ایله بیرلیکده، بیرینجی صنف معلملرینین مَقامینین یوکسک توتولماسی مَقصدیله تشکیل ائدیلمیشدیر..
“امید باغی” آدلی مراسیمی مدنی برنامه لر، موسیقی، دانیشیقلار و نمونه معلملره تَقْدیرنامه لرین وئریلمه سی ایله نتیجه لندی.
(1)
(1)