شهریار سایتینین خبرینه گوره، یعقوب هوشیار تبریز «بالا گُل» سوپرلیگی‌نین بیرینجی دؤور مسابقه‌لرینی زیارت ائتدیگی زامان بیلدیردی کی، تبریز بلدیه سی‌نین ۵۲ هفته‌لیک ایل‌لیک ورزش تقویمی، بوتون ورزش نؤولرینده داوام ائدیر.
او شهرین مختلف نقطه‌لرینده ۷۰ ورزش پروژهسینین اینشا اولوندوغونو قئید ائده‌رک علاوه ائتدی: ایداره‌چیلیگین فعلی دؤورونون ایکینجی ایلینده بلدیه‌نین اولویت‌لری شهری آدام باشینا خدمتلرین آرتدیریلماسی و منبع‌لرین شهرین مختلف منطقه و محله‌لرینده برابر داغیلماسی ایدی کی، همین اساسدا ۲۵ داخیلی سالون و ۴۵ ورزش ساحه‌سی اولماقلا ۷۰ ورزش پروژه‌سی ۱۵۰۰ میلیارد تومان خرجله باشلادی.
تبریز بلدیه رئیسی قئید ائتدی: بو پروژه لرین بیر بولومو کیمی داخیلی سالونلار ایشه دوشموش و شهروندلره تحویل وئریلمیش و دیگر قیسمی ده آچیلماق سیراسیندا دیر.
او خاطیرلاددی : بو پروژه لرین اجراسی ایله تبریزین ورزش محیط لری آدام باشی، ایکی دفعه آرتاراق هر بیر شهروند اوچون ۶۵ سانتیمتر مربع اولاجاق.
هوشیار عینی حالدا جوانلار و گنجلرین «بالا گُل» مسابقه‌لرینه ماراق گؤسترمه‌سینی ده بیلدیریب دئدی: «بالا گُل» مسابقه‌لری خالقدا، جوانلار و گنجلر آراسیندا چوخ ماراقلی‌دیر و بو گون بو مسابقه‌لرده اجتماعی شور و نشاطا شاهید اولوروق.
او ورزش ساحه‌سی‌نین، ساغلاملیقین و اجتماعی شور و نشاطین فعلی ایداره‌چیلیگین اولویت و شعاری اولدوغونو دئییب، آرتیردی: بوتون شهری مسئوللار ال-ال وئریب بوتون شهروندلرین ورزش امکان و پروقرام‌لاری‌ندان فایدالانمالاری اوچون چالیشمالاری لازیمدیر.
قئید ائدک کی، بو زیارت زامانی تبریز شهرداری شهید تجلایی ورزش مجموعه‌سینده اولان ورزشچیلرله بیرلیکده مدافع حرم شهیدلرینین ساحتینه گول و فاتحه وئریب احتیرام ائله‌دیلر.
(1)
(1)