شهریار سایتینین خبرینه گؤره، یعقوب هوشیار بیلدیردی: “تبریزین ۶۰۰ هکتار یاشیل ساحه‌سینین اینکیشافی طرحینین حیاتا کئچیریلمه‌سی چرچیوه‌سینده، بو ایلین اوّللریندن باشلایاراق ۲۶ محله پارکی‌نین تیکیلمه‌سینه باشلانیلمیشدیر. حاضیرده، بو پارکلارین ۱۰-و شهرین موختلیف یئرلرینده آچیلاراق ایستیفاده‌یه وئریلمیشدیر.”
اون، ۱۶ باشقا محله پارکی‌نین تیکینتی ایشلرینین ده دوام ائتدیینی دئییب آرتیردی: “تبریز بلدیه‌سی سون ایللرده یاشیل ساحه‌لرین اینکیشافی ساحه‌سینده اهمتیلی پروژه لر اجرا ائدیب دی.
تبریزین بلدیه رئیسی بیلدیردی: “تبریزین ۶۰۰ هکتار یاشیل ساحه‌سینین اینکیشافی طرحی، هوا کیفیتینی یاخشیلاشدیرماق، هر شهروند اوچون یاشیل ساحه سرانه‌سینی آرتیرماق و شهری محیط زیستینی یوکسلدیرمک مقصدی ایله بو دؤورون شهری مدیریتینین اوّللریندن باشلانیلمیشدیر.”
اون، سؤزونون داوامیندا دئدی: “بو طرح، شهری یاشاییش محیط یاخشیلاشدیرماق و همشهریلرین حیات کیفیتینی یوکسلدیرمک اوچون بیر اؤنملی آدیمدیر. بو چرچیوه‌ده، عینالی تفرجگاهینین و یاران دره‌سینین اوست حیصّه‌سینده ۵۰ هکتارلیق اینکیشاف، آرپا دره‌سینده ۴۰۰ هکتارلیق آغاجلاندیرما و .. اجرا اولونموشدو.”
هوشیار بیلدیردی: “بو اساسدا، تبریزین آب و هوا شرایطینه دایاناقلی آغاجلارین اکیمی، سو ایستیفاده‌سینی آزالتماق اوچون یئنی سووارما سیستملری ، شهروندلرین یاشیل ساحه‌لرین اکیمی و قورونماسی‌ندا مشارکتلرینه تشویق ائدن برنامه‌لرین حیاتا کئچیریلمه‌سی، تبریزین باغ-شهر کیمی یئنیدن قۇرولماسی اوچون شهری مدیریتینین گوندمینه‌ده دیر.”
(1)
(1)