بلدیه رئیسی دئدی: بیزیم سعی ییمیز تبریزی چوخلو رفاهی امکانلارا مالک اولان و توریسمه مقصد اولان معاصیر بیری شهره چئویرمک دیر و بو یولدا سعی و چالیشمالاریمیزدان ال چکمه یه جییک.
شهریار خبر وبسایتینین یازدیغینا گوره، تبریز اسلامی شوراسینین ۲۲۷نجی جلسه سینده، یعقوب هوشیار بو شهرده تیکینتی طرح لری و توسعه تدبیرلریندن سوز آچیب، شهرین توسعه سی اوچون دقیق حسابلاما و شهرین منبع لریندن حسابلی استفاده ائتمه نی تاکید ائدیب.
هوشیار سوزلرینین اولینده بلدیه نین بیرینجی و ایکینجی بئش ایللیک توسعه لایحه سیندن دانیشیب آرتیردی: تبریز بئیش ایللیک ایش خریطه سی ، بویوک شهرین احتیاج لاری اساسیندا و قالارقی توسعه اوچون یازیلیب دیر.
یعقوب هوشیارین دئدیینه گوره، تبریزین داواملی انکشاف و توسعه ایشلری، کئچن ایللرده مختلف ساحه لرده موفقیت و اوغورلار قازانیب دیر.
(1)
(1)