شهریارین خبرینه گؤره، تبریز بلدیه رئیسی یعقوب هوشیار بو جلسه‌ده بلدیه ایشچیلرینین چالیشمالارینی قدرلندیریب و شهری مدیریت پروقراملارینین حیاتا کئچیریلمه‌سینده اونلارین مؤثر رولوندان دانیشدی.
هوشیار، تشکیلات بیرلیگینین و بلدیه‌نین موختلیف بخشلری آراسینداکی تعاملین اهمیتی‌نی قئید ائده‌رک، مدیرلر و ایشچیلر آراسینداکی اورک بیرلیگی و هماهنگلیگین شهری مسئله‌لرین حل‌ادیلمه‌سینده اساس رول اوینادیغینی و اجرا پروسه‌لرینی آسانلاشدیرا بیله‌جینی بیلدیردی.
هوشیار، دقیق مالی برنامه‌لشدیرمنین ضرورتی‌نی قئید ائده‌رک، گئچمیش ایللرین مالی وضعیتینین تحلیل‌ایدنمنین، منبعلرین داها دا یاخشی مدیریت‌ائدیلمه‌سینی تأمین ائده‌جینی بیلدیردی.
هوشیار، بلدیه‌نین اولویتلریندن بیری اولاراق پایدار گلیرلره دیقت ائتمک ضرورتی‌نی ده قئید ائدیب، شهروندلره علاوه و زاید هزینه تحمیل‌ائدیلمه‌دن دائمی گلیرلرین، اینکیشاف پروژه‌لرینین حیاتا کئچیریلمه‌سینی تأمین ائده‌جینی بیلدیردی.
تبریز بلدیه‌سی، مالی تعهدلرینین حیاتا کئچیریلمه‌سینده موفقیت قازاندیغینی بیلدیرن هوشیار، “خاوران”ین بیرینجی فازیندا تقریباً اوچ مین میلیارد تومان تعهدیمیز واریدی و دوزگون برنامه‌لشدیرمه ایله بو تعهدلرین تامامیله حیاتا کئچیریلمه‌سینی تأمین ائتدیک” دئدی.
هوشیار، منطقه مدیرلریندن هر منطقه‌نین اولویتلرینی تشخیص‌ادذیلمه‌لرینی و بو اولویتلرین حل‌ائدیلمه‌سی اۆچون لازیملی تدبیرلر گؤرمه‌لرینی ایسته‌دی.
تبریز بلدیه‌سی، هزینه‌لرین مدیریت‌ائدیلمه‌سینین اهمیتی‌نی ده قئید ائده‌رک، “بلدیه‌نین مالی منبعلری چوخ چتین زحمتلرله قازانیلیر و دقت و تدبیرله خرج‌ایدنمه‌لیدیر. بونا گؤره‌ده، اسرافین قارشیسینی آلماق و منبعلرین آیریلماسیندا ایشلرین کیفیتینی آرتیرماق، قاچینیلماز ضرورتدیر” دئدی.
هوشیار، سوندا بلدیه ایشچیلرینه تشککور ائدیب، مالی سلامت و اداره سیستم‌یده شفافلیغین گوجلندیریلمه‌سینین ضرورتی‌نی قئید ائدیب، “تبریز بلدیه‌سی ساغلام و شفاف بیر تشکیلاتدیر و بو سلامتلیغین قورونماسی، بوتون همکارلارین تعهد و چالیشماسینی طلب ائدیر” دئدی.
(1)
(1)
(1)
(1)
(1)
(1)
(1)