یعقوب هوشیار، اسلام دا شهید عائیله‌لرینین مقامینی قئید ائدرک، تبریز بلدیه سی اؤزونو شهیدلری گنج نسیله تانیتماق و شهید عائیله‌لرینین شأنلی مقامینی یاد ائتمک اوچون بوتون ایمکانلارینی ایشه سالماغا بورحلو بیلدی.
شهردار بو گؤروشلرده شهادتین خاص بنده‌لر و اسلام مکتبینین سئچیلمیشلری اوچون الهی بیر موفقیت اولدوغونو وورغولادی و دئدی : اسلامی اینقلاب و ایران اسلامی نظامینین عزّتی و اقتداری شهیدلرین پاک قانینین ثمره‌سی‌دیر.
هوشیار علاوه ائله‌دی : اؤلکه‌میزین امنیتی شهیدلرین پاک قانینین سونوجودور. اونلار اؤز جانلاریندان کئچمه‌یه، اؤلکه‌نین امنیتینی و اراضی بوتؤولوگونو قوروماغا و شهید اولماغا راضی اولوبلار.
او خاطیرلادی کی، من و شهر شوراسی‌نین محترم عضولری هر هفته شهیدین ایکی عائیله‌سی‌نین ائوینه گئدیریک و شهردارلیغین دیگر ایداره‌چی‌لری ده هفته‌نین هر گونو شهید عائیله‌لرینین ائوینه گئتمه‌لی‌دیرلر.
بو گؤروشلرین سونوندا بلدیه رئیسی شهید “محمدرضا دلیر باقری‌نیا” و “محمدتقی ابراهیم‌پور هرزنق”ین عائیله‌لریندن آیری-آیری تقدیرلووحو وئره رک، تشکّور ائتدی.
(1)
(1)