مجلسین عمران کمیسیونونون عضولری و آذربایجان شرقی والیسی، تبریزین شهرداری یعقوب هوشیار ایله بیرلیکده تبریزین حیاتی پروژه‌لرینی گزدیلر.
مجلسین عمران کمیسیونونون عضولری رئیسی محمّدرضا رضایی کوچی و عضولری، شرقی آذربایجان والیسی بهرام سرمست، تبریز فرمانداری داود گرشاسبی، تبریز بلدیه رئیسی یعقوب هوشیار، تبریزی خلاس ائتمک پروژه‌سی (۴۵ مترلیک شهید آیت‌الله آل‌هاشم یولونون آچیلیشی)، مقبره الشعرا پروژه‌سی و گنجلر شهرکی کیمی بؤیوک پروژه‌لری گزدیلر.
۴۵ مترلیک شهید آیت‌الله آل‌هاشم یولونون آچیلیشی پروژه‌سی اؤلکه‌نین ان بؤیوک یئنی‌دن قورما پروژه‌لریندن بیری ساییلیر و تبریز بلدیه سینین حیاتا کئچیردیگی تیجاری پروژه‌لردندیر.
بو پروژه‌نین یولونون اوستونده اولان داغیلماز مال‌لارین (املاک) آلیشی اوچون تقریباً ۹۰۰ میلیارد تومان خرجلنمیش و ۱۱۰ میلیارد تومان دا بو پروژه‌نین اجرایی خرجی اوچون ایستیفاده اولوناجاق.
مجلسین عمران کمیسیونونون عضولری رئیسی و عضولری‌نین گزدیگی باشقا پروژه‌لریندن بیری ده مقبره الشعرا پروژه‌سی ایدی.
بو پروژه‌نین اجرایی ایشلری اوچ ایل اؤنجه تبریز بلدیه طرفیندن جدی شکیلده باشلادی. ۱۳۹۹-جی ایلده بو کمپلکسین شیمال جبهه سی ۴۰ میلیارد تومان خرجل ایله تاماملاندی. همچینین ۱۴۰۱-جی ایلده مقبره‌الشعرانین گونئی صیفه‌سی‌نین اجرایی ایشلری ۱۱۰ میلیارد تومان خرجل ایله بیتدی.
بو ایل ایچینده مقبره الشعرا تاریخی و فرهنگی کمپلکسی‌نین نقصلارینی تاماملاما ایشلری ده تبریز بلدیه سینین ایش سیراسیندا اولان اولویتلردن بیری‌دیر و داواملی اولاراق دَوام ائدیر.
(1)
(1)