https://ofogazarbaijan.ir

شناسه خبر :8440
۰۵ فروردین ۱۴۰۴ - ۱۱:۴۶

تبریز بلدیه رئیسی، یعقوب هوشْیار، مدیرلری ایله اولان جلسه ده بیلدیردی کی، نوروز بایرامیندا بلدیه تشکیلاتلاری تعطیلسیز و گئجه-گوندوز خیدمت ارائه ائده جک.

“شهریار”سایتینین خبرینه گؤره، هوشْیار نوروز تعطیلرینده توریست سایی سینین آرتماسینا اشاره ائده رک، بلدیه نین بوتون تشکیلاتلارینین خیدمت اوچون تام حاضر اولدوغونو بیلدیردی.

او دئدی: بلدیه نین بوتون تمیزلیک ایشچیلری و اجرایی خادم لری گئجه-گوندوز چالیشاجاقلار کی، شهر نوروز مهمانلارینی قارشیلاماغا حاضیر اولسون.

هوشیار، بلدیه نین بودجه سینین ۵ مین میلیارد تومن دن ۴۰ میلیارد تومنه آرتماسینا اشاره ائده رک، بو آرتیمین شهریین موختلیف ساحه لرده توسعه و اینکیشافی اوچون زمینه یاراددیغینی بیلدیردی.

او دئدی: سون اۆچ ایلده بلدیه بودجه سینین ۱۰۰% تحقق تاپماسی، موفق مالی مدیریتی و اولویتلی پروژه لرین حیاتا کئچیریلمه سینی گؤستریر. 

تبریزین بلدیه رئیسی، سون اۆچ ایلده یاشیل ساحه لرین توسعه و آرتیمینا دا اشاره ائده رک بیلدیردی: کئچن دؤورده ۴۶ هکتار یاشیل ساحه آرتیریلمیشدی، آمما سون اۆچ ایلده بو رقم ۳۰۰ هکتارا چاتمیشدیر.

هوشیار، بلدیه نین بو ساحه ده داها دا توسعه اوچون پلانلاری اولدوغونو بیلدیره رک، دئدی: ایندیکی وضیعتین داوام ائتمه سیله، تبریزین یاشیل ساحه (آدام باشی) سرانه سینین گله جک ایلین سونونا قدر ۶۰۰ هکتارا چاتماسی گؤزله نیلیر.

پ
آمارابتلا و فوت کرونا دراین دولت کاهش جدی پیدا کرد/ حتی مرگ یک نفر هم بر اثر کرونا زیاد است نشان درجه یک هنری به عکاس پیشکسوت تبریزی اعطا شد درگذشت حسن ریاضی (ایلدیریم) شاعر و روزنامه نگار آذربایجانی بر اثر کرونا دولت خود را موظف به پاسخگویی به مطالبات کامیون داران می داند اظهارات شیخ ایرانی در باره وجود مراکزفساد در مکه و مدینه دروغ است احتمال وجود ارتباط بین خشک شدن دریاچه ارومیه و زمین‌لرزه‌های شمال‌غرب ایران تعطیلی پنجشنبه‌ها در آذربایجان‌ شرقی
نظرات و تجربیات شما
نام:
ایمیل:
سایت شما:
* نظری شما: