شهریار سایتینین معلوماتینا گؤره، تبریز بلدیه رئیسی یعقوب هوشیار، بو گون همشهری لر ایله گؤروشمه‌سینده، مختلف ساحه‌لر، او جمله‌دن شهرسالما، عمران، خدمت و س. عائید اولان همشهری لرین پرونده‌لرینی اینجه‌له‌ییب اؤیره‌نه‌رک، همشهری لرین مسئله لرینین تئز بیر شکیلده حل اولونماسی اوچون لازیم گؤستریشلری وئریب.
بو گؤروشده، ۴-جو منطقه‌نین مختلف محله‌لرینده یاشایان همشهریلر، تبریز بلدیه رئیسی ایله صحبت‌لرینده، شهر پروبلئم‌لری و مسئله‌لرینی دیله گتیریبلر.
تبریز بلدیه رئیسی، بو مدیریت دؤوره‌سینده، خدمت میزلری شکلینده و امام خمینی (ره) مصلاسیندا، شهر سوییه‌سینده مختلف مسجیدلرده، اون منطقه‌نین بلدیه‌لرینده و مرکزی بلدیه‌ده حاضیر اولماقلا، بوتون گوجو ایله همشهری لرین مسئله‌لرینی حل ائتمه‌یه جهد گؤستریب.
همشهری لر ایله اوزبه‌اوز گؤروشمه، اونلارین شهر مسئله لرینی حل ائتمکدن علاوه، شهر موضوعلارینی دقیق اؤیره‌نمک و مسئله‌لرین حل اولونماسی اوچون برنامه حاضیرلاماق اوچون مناسب بیر زمین یارادیر. ائله بو اساسدا، بلدیه، خدمت جلسه‌لری‌نین آلتی دؤوره‌سینده همشهری لر ایله گؤروشوب و اونلارین مسئله لرینه یئتیشیب.
تبریز بلدیه سینین منطقه‌لرینده و یا تشکیلاتلاریندا مسئله لرینی حل ائده بیلمه‌ین وطنداشلار، بلدیه‌نین عمومی علاقه‌لر و بین‌الملل ایشلر اداره سینه موراجعت ائتمکله، تبریز بلدیه باشچی‌سی ایله گؤروش اوچون آد یازدیرا بیلرلر.
(1)
(1)
(1)
(1)
(1)
(1)
(1)