بو گوروشلر زامانی تبریز بلدیه رئیسی ، تبریزین اینکیشافی و ایره‌لیله‌مسی اوچون دولتین کؤمکی‌نین چوخ اؤنملی اولدوغونو وورغولادی.
شهردار، تبریزین آیت‌الله آل‌هاشم ۴۵ مترلیک یولونون، یانی تبریزی خلاس ائتمک پروژه‌سی‌نین ان اؤنملی پروژه‌لریندن بیری اولدوغونو و بو پروژه‌نین یئرلرینین اهالی دن آلیش ایشلرینین بیتدیگینی و یاخین گله‌جه‌کده ایشلره باشلاناجاغینی بیلدیردی.
او آرتیردی: بو پروژه طبیعی حادثه لر و آفتلردن اولا بیله‌جک خطرلری آزالتماق و شهر ایچینده گئدیب-گلمه‌نی آسانلاشدرماق اوچون طرحلنیب.
هوشیار، تبریزده ۴۸ هکتار خطرلی اراضی اولدوغونو و بو اراضیلرین زلزله‌یه قارشی چوخ حساس اولان بؤلگه‌لرده اولدوغو اوچون تئز بیر زاماندا بورادان اینسانلاری امنیت لی یئرلره آپارماغین لازیم اولدوغونو سؤیله‌دی.
او، بو ایشین بلدیه نین وظیفه‌سی اولماسا دا، موضوعون حساس اولدوغو اوچون تبریز بلدیه سینین بو ایشه باشلادیغینی و حال‌حاضیردا گنجلر شهرجیینده ۱۲۰۰ ائو تیکینتیسینین بو اراضیلردن کوچدورولن اینسانلار اوچون آپاریلدیغینی بیلدیردی.
هوشیار بو ائولرین واختیندا تیکیلیب اهالی یه وئریلمه سینی اومود ائدرک آرتیردی: ۴۸ هکتارلیق خطرلی منطقه نین ساکنلرینی بورادان داغیتماق ایشینین تئز بیر زاماندا بیتدیریلمه‌سی اوچون چالیشدیغینی وورغولادی.
او دئدی: بو پروژه‌نین دؤولتین دوردنجو سفر قَرارینین اولدوغونا باخمایاراق،او زامانکی ایلگیلی ناظیرلیگین بو پروژه‌یه قارشی چیخدینی بیلدیردی. آنجاق تبریز بلدیه سی خطرلی اراضیلردن کوچورمک اوچون موجود اولان ایمکانلاردان ایستیفاده ائتمک اوچون اؤز پایینا دوشن مسکن تیکینتیسینه باشلاییب.
او داوام ائدرک دئدی کی، دولت و بلدیه آراسیندا داها چوخ اَمَکداشلیق ائتمه‌کله، تبریزنین حیاتی پروژه‌لری هر نه قدر تئز حیاتا کئچیریله‌جک و تبریزلی وطنداشلار اوچون داها چوخ رفاه تامین اولوناجاق.
(1)
(1)